Duas/Wazifa Ders 16

      Comments Off on Duas/Wazifa Ders 16

بسم ه الل الرحمن الرحيم
H Rukiye Sultan,
2021-08-17, Ashura.


Ashura bohot barkat waala din hain. Allah azza wa jalla ne issey bohot Mubarak din banaye hain humaarey liye aur tamaam insaniyat ke liye Adam alaihis salaam ke baad ke liye aur Adam alaihis salam ke pehley ke liye bhi. Rasool Allah Sallalahu Alaihi wa sallam ki Hadith sharif hain, aw kama qala alaihi salatu wa s-salam

أو كما قال عليه الصلاة و السلام , Ashura ke din Allah azz awa jalla ne Jannaton ko banaya. Ashura ke din Allah azza wa jalla ne Hazrat Jibril Alaihis Salaam ko banaya, Ashura ke din Allah azza wa jalla ne Hazrat Adam Alaihis salam ko banaya, Ashura ke din Allah azza wa jalla ne Adam Alaihis salam ko maaf farmaya. Ashura ke din Hazrat Nuh Alaihis Salam ka Jahaaz pahaad Judi pe thamm gaya.

Ashura ke din Hazrat Ibrahim paida hue thay aur Nimrud ki aagh sey bachaye gaye thay. Ashura ke din Samundar cheer diya gaya Musa Alaihis Salam ke liye aur Bani Israil ke liye, aur who Firaun aur uski faujh sey bachaye gaye they. Ashura ke din Hazrat Isa Alaihis Salam paida hue they Aur unhein Jannaton mein uthaya gaya. Ashura ke din Hazrat Muhammad Salallahu Alaihi wa Sallam ki pehli shaadi hui thi pehli Muslimah sey, Hazrat Khadijatu l-Kubra.


Yeh bohot Mubarak din hain, aur humein issey manana chahiye. Bohot si hadith-ein Rasool Allah Sallahu Alaihi wa sallam ki batati hain ke- jo bhi iss din ko manata hain aur apney ghar waalo ke sath sakhi hain aur sadaqa deta hain , zaroorat mando ki madat karta hain, aur agar Yateem ke sir par hath bhi rakhta hain, toh iss ka ajar bohot ziyaada hain, toh humein issey manana chahiye.


Yahudiyon ne Ashura ke din Roza rakha hua tha jab Rasool Allah Sallalahu Alaihi wa Sallam Madina tashreef laaye, Rasool Allah Sallalahu Alaihi wa Sallam ne puchey ke kyu inn logon ney Roza rakha hua hain iss din, unn logon ney bola ke iss din samundar khola gaya tha unn logon ke liye aur Hazrat Musa Alaihis Salam ko Firawn sey dur jaaney ke liye. Isiliye who log uss din ko mana rahey they. Rasool Allah Sallahu Alaihi wa Sallam ne farmaye ke hum unn sey ziyaadah Musa Alaihi Salam ke qareeb hain toh humein Ashura ke din roza rakhna hain, {10th Muharram}, par unsey mushabahat nahi ho toh humein ek saath do rozey rakhney hain ya 9th ya 11th Muharram.”


Kaafi cheezein bataye hain Madhab Al Khamis ke logon ne Paanchvey Madhab ke مذهب الخمهيس . woh kehtey hain ke yeh din sough aur udaasi ka hain aur pachtaaveh ka din hain! Agar yeh din sough ka hain, toh hum sough manatey jis din Rasool Allah Sallalahu Alaihi wa Sallam ne parda kiye they, Peer ke din ya Barah Rabbi ul Awwal ke din. Par yeh din khushiyan mananey ke din hain. Allah azza wa jalla hikmat jaantey hain. Hazrat Hussain [ra] iss din shaheed hue they, ek Mubarak din, unn ke liye bhi Sharaf ki baat thi.


Yeh waakiyah alag hain, Rasool Allah Sallallahu Alaihi wa Sallam ney humein isskey baarey mein bataya hain, humein unn logon ki baat sunney ki zarurat nahi hain joh jahil hain aur fitna karney ki koshish kar rahey hain Sahabah\ Rasool Allah Sallallahu Alaihi wa Sallam ke saathi aur Ahlul Bayt\ unke gharane ke beech. Humein dono sey Muhabbat hain aur hum dono ka ehteram karte hain. Aur woh sab Rasool Allah Sallallahu Alaihi wa Sallam ke saath hain aur Rasool Allah Sallallahu Alaihi wa Sallam jaantey hain ke kya hua tha aur kya hoga. Hum yeh who nahi kartey hain, hum dakhal andazi nahi kartey.

Humein yeh din ko manana chahiye jaisey Rasool Allah Sallallahu Alaihi Wa Sallam ne hukum diya hain, Mawlana Shaykh Nazim [qs] apney sabsey acchey kapdey pehentey they uss din, Sadaqa aur tohfey diya kartey they aur uss din ko Eid ka din banaye they, toh Insha Allah kal hum sab yeh karegey, aur kal hum padhhaayi karegey Hazrat Hussain [ra] ke liye aur baaki saarey shuhada [shaheedon] ke liye har waqt ke, aur humaari roohon ke liye bhi. Yeh ek khaas din hain duaon ke liye bhi taaki Allah humein bachaney ke raastein kholey, aur Mahdi Alaihis Salam ko bhejey. Humein yeh karna hain.


Hum dua kar rahey hain sirf humaari mamuli zindagi mein wapis jaane ke liye, par jo hum pehley jee rahey they woh bhi ghair mamuli hain, Allah ney yeh wabaah ko isiliye bhejey, humara zehen humaarey dilo mein daalney, aur taakey hum yeh sochey ke humari asal zindagi ek musalman hone pe kaisi honi chahiye aur humaarey liye kya mamuli hona chahiye Sayyidina Muhammed Sallallahu Alaihi Wa Sallam ki Ummat hone pe.


Woh ghamandi hogaye hain sari aasayishein aur technology hain unkey paas toh, par yeh Shaytan ke taabey mein hain. Humein humaarey asal ki tarfa jaana chahiye. Asal islam ki taraf taakey Rasool Allah Sallallahu Alaihi WA Sallam humsey khush rahein. Humaarey paas duaa ke alawah koi raasta nahi hain. Humein tauba karni hai aur astaghfar Ki dua karni hain aur nijaat ki dua karni hain. Sayyedina MAHDI [as] ke aaney ke liye aur hum sahi main unn ke sath mehfooz hain Hazrat Mahdi [as] ke sath.

Wa min Allahi at-Taufiq
Al-Fatiha
🕋